უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის საკითხზე შესაძლო სამშვიდობო მოლაპარაკებების ფორმატებსა და გრაფიკთან დაკავშირებით აშშ-ისგან პასუხს ელოდება.
საღამოს მიმართვაში ზელენსკიმ აღნიშნა, რომ უკრაინის პოზიციები ახლა უფრო ძლიერია, ვიდრე წინა წლებში. მისი თქმით, წლის დასაწყისიდან უკრაინამ 590 კვადრატული კილომეტრი ტერიტორია გაათავისუფლა და კონტროლის ქვეშ დაიბრუნა.
„ტენდენცია აშკარად ოკუპანტის ინტერესებში არ არის. ჩვენ ვაგრძელებთ რუსული ცოცხალი ძალის განადგურების მაჩვენებლების ზრდას, რაც სანქციებთან ერთად რუსეთს დიპლომატიის არჩევისკენ უბიძგებს“, - განაცხადა ვოლოდიმირ ზელენსკიმ.
მისი თქმით, საფრანგეთის პრეზიდენტთან, ემანუელ მაკრონსა და ბრიტანეთის პრემიერ-მინისტრ კირ სტარმერს საუბრისას რუსეთის სამხედრო და პოლიტიკური გეგმების შესახებ უკრაინულის დაზვერვის მიერ მოპოვებული დეტალური ინფორმაცია მიაწოდა.
„ახლა ყველაფერი უნდა გაკეთდეს იმისთვის, რომ დიპლომატია გააქტიურდეს. ამერიკული მხარისგანაც ველოდები პასუხს შეხვედრების შესაძლო ფორმატებსა და ვადებთან დაკავშირებით“, - განაცხადა ზელენსკიმ.
