აშშ-ის ეროვნული დაზვერვის დირექტორმა ტულსი გაბარდმა პარასკევს განაცხადა, რომ თანამდებობას ტოვებს.
მისი თქმით, გადაწყვეტილების მიზეზი პირადი გარემოებაა - მის მეუღლეს დაუდგინდა ძვლის კიბოს იშვიათი ფორმა, რის გამოც იძულებულია სამსახურ დატოვოს.
გაბარდმა აღნიშნა, რომ გადადგომის შესახებ მან პრეზიდენტს ოვალურ კაბინეტში გამართულ შეხვედრაზე აცნობა. გავრცელებული ინფორმაციით, მისი გადადგომა ძალაში 30 ივნისს შევა.
Reuters-ის წყაროს ინფორმაციით, ტულსი გაბარდი თეთრმა სახლმა აიძულა, თანამდებობიდან გადამდგარიყო.
გადადგომის წერილში ტულსი გაბარდმა აღნიშნა, რომ „ღრმად მადლიერია ტრამპის მის მიმართ გამოვლენილი ნდობისა და ბოლო წელიწად-ნახევრის განმავლობაში ეროვნული დაზვერვის დირექტორის ოფისის ხელმძღვანელობის შესაძლებლობისთვის“.
გამოცემის თანახმად, წარსულში აშშ-ის პრეზიდენტმა მიანიშნა ირანის საკითხთან დაკავშირებით ტულსი გაბარდთან უთანხმოებაზე, როდესაც მარტში განაცხადა, რომ ეროვნული დაზვერვის სამსახურის დირექტორი ირანის ბირთვული ამბიციების შეზღუდვის საკითხში მასთან შედარებით „რბილი“ იყო.
