აშშ-ის პრეზიდენტმა დონალდ ტრამპმა განაცხადა, რომ შეერთებული შტატები პოლონეთში დამატებით 5 000 სამხედრო მოსამსახურეს გაგზავნის.
ტრამპის თქმით, გადაწყვეტილება პოლონეთის ახლად არჩეული პრეზიდენტის, კაროლ ნავროცკის არჩევისა და ორ ქვეყანას შორის ურთიერთობების გათვალისწინებით მიიღეს.
„პოლონეთის ამჟამინდელი პრეზიდენტის, კაროლ ნავროცკის წარმატებული არჩევისა და მასთან ჩვენი ურთიერთობის საფუძველზე, სიამოვნებით გაცნობებთ, რომ შეერთებული შტატები პოლონეთში დამატებით 5000 სამხედროს გაგზავნის“, – წერს ტრამპი.
როგორც მედია აღნიშნავს, ბოლო კვირების განმავლობაში აშშ-ის ხელისუფლება ევროპაში თავისი ჯარების ყოფნის საკითხს განიხილავდა. ორი დღის წინ აშშ-ის ვიცე-პრეზიდენტმა, ჯეი დი ვენსმა განაცხადა, რომ აშშ-მა პოლონეთში ჯარების განლაგება გადადო.
