2026 წლის აპრილის განმავლობაში უკრაინაში რუსეთის შეტევების შედეგად სულ მცირე 238 მშვიდობიანი მოქალაქე დაიღუპა, ხოლო 1404 დაშავდა. ეს ყველაზე მაღალი თვიური მსხვერპლის მაჩვენებელია 2025 წლის ივლისის შემდეგ.
ინფორმაციას„ინტერფაქს-უკრაინა“ ავრცელებს, რომელიც ეყრდნობა გაერო-ს პოლიტიკური და სამშვიდობო მშენებლობის დეპარტამენტის წარმომადგენლის, კაიოკო გოტოს განცხადებას გაერო-ს უშიშროების საბჭოს სხდომაზე.
მისი თქმით, ეს მონაცემები ასახავს სამოქალაქო მოსახლეობისთვის ზიანის ზრდის მუდმივ ტენდენციას.
მან ასევე დაადასტურა, რომ ბოლო კვირაში უკრაინაზე განხორციელდა ერთ-ერთი ყველაზე მასშტაბური საჰაერო დაბომბვა სრულმასშტაბიანი შეჭრის დაწყების შემდეგ.
გაერო-ს ადამიანის უფლებათა უმაღლესი კომისრის ოფისის მონაცემებით, 2022 წლის თებერვლიდან დადასტურებულია უკრაინაში 15 850 მშვიდობიანი მოქალაქის დაღუპვა, მათ შორის 791 ბავშვია. დაშავდა 44 809 ადამიანი, მათ შორის 2 752 ბავშვია.
