უკრაინის პრეზიდენტი, ვოლოდიმირ ზელენსკი აცხადებს, რომ უკრაინის თავდაცვის სამინისტროს მთავარმა სადაზვერვო სამმართველომ მიიღო დოკუმენტები, რომლებიც მიუთითებს რუსეთის მიერ უკრაინის წინააღმდეგ ახალი სარაკეტო და დრონებით დარტყმების მომზადებაზე, მათ შორის ე.წ. გადაწყვეტილების მიმღებ ცენტრებზე.
„თავდაცვის სამინისტროს მთავარი სადაზვერვო სამმართველოს სპეციალისტებმა დოკუმენტები მოიპოვეს, რომლებიც რუსების მიერ უკრაინის წინააღმდეგ ახალი დარტყმების მომზადებაზე მეტყველებენ, კერძოდ კი, როგორც ისინი აღნიშნავენ, „გადაწყვეტილების მიღების ცენტრებზე“. მათ შორის თითქმის ორი ათეული პოლიტიკური ცენტრი და სამხედრო სარდლობის პუნქტია.
„თავდაცვის სამინისტროს მთავარი სადაზვერვო სამმართველოს სპეციალისტებმა დოკუმენტები მოიპოვეს, რომლებიც რუსების მიერ უკრაინის წინააღმდეგ ახალი დარტყმების მომზადებაზე მეტყველებენ, კერძოდ კი, როგორც ისინი აღნიშნავენ, „გადაწყვეტილების მიღების ცენტრებზე“. მათ შორის თითქმის ორი ათეული პოლიტიკური ცენტრი და სამხედრო სარდლობის პუნქტია.
რა თქმა უნდა, ეს ინფორმაცია გავითვალისწინეთ. მაგრამ ღირს კონკრეტულად რუსეთის ხელისუფლებისთვის აღნიშვნა, რომ უკრაინა რუსეთი არ არის. აგრესორი სახელმწიფოსგან განსხვავებით, სადაც ნათლად არის ამ ომის ავტორი და მის გარშემო არსებული დიდი ხნის წრე, რომელიც რეალობისგან მის ჩამოშორებას უწყობს ხელს, უკრაინის თავდაცვის წყარო უკრაინელი ხალხის მზაობაა იბრძოლონ თავისი დამოუკიდებლობისთვისა და თავისი სუვერენული სახელმწიფოსთვის“, - წერს ზელენსკი.
უკრაინის პრეზიდენტმა ასევე გამოქვეყნა თანამგზავრული გამოსახულებები. მედიის ცნობით, როგორც ჩანს, ისინი სამხედრო დაზვერვამ რუსეთის სამხედრო უწყებებიდან მოიპოვა.
სურათებზე აღნიშნულია რამდენიმე ობიექტის კოორდინატები და მონაცემები, მათ შორის უკრაინის პრეზიდენტის ადმინისტრაცია, პრეზიდენტის რეზიდენცია (სახელმწიფო აგარაკი) და კიევის ცენტრში არსებული მიწისქვეშა დაცული სივრცეები. სურათები 6 მაისით არის დათარიღებული.
