დღეს მოლდოვაში ევროპის საბჭოს 46 წევრი ქვეყნის საგარეო საქმეთა მინისტრები ყოველწლიურ სხდომას გამართავენ. ევროპის საბჭოს პრესსამსახურის მიერ გავრცელებული ინფორმაციის თანახმად, სხდომას მოლდოვის პრეზიდენტი, მაია სანდუ გახსნის.
დისკუსიები შეეხება არაერთ პრიორიტეტულ საკითხს, რომლებიც ევროპის საბჭოს მანდატის საფუძველში დევს. მათ შორისაა რუსეთის აგრესიული ომი უკრაინის წინააღმდეგ, განსაკუთრებული ყურადღებით ომისშემდგომ პასუხისმგებლობასა და აღდგენაზე, ასევე ევროპის საბჭოს საქმიანობა მიგრაციის სფეროში. ეს საკითხი უკავშირდება 2025 წლის 10 დეკემბრის მინისტერიალს, რომელმაც მოითხოვა მინისტრთა კომიტეტის დეკლარაციის მიღება, რომელიც ერთობლივ ევროპულ მიდგომას ასახავს.
შეხვედრის დასრულების შემდეგ, მოლდოვის რესპუბლიკა მინისტრთა კომიტეტის თავმჯდომარეობას მონაკოს გადასცემს. სესიის დასრულების შემდეგ, პარასკევს, 15 მაისს, დაგეგმილია პრესკონფერენცია, რომელშიც მონაწილეობას მიიღებენ მოლდოვისა და მონაკოს მინისტრები და ევროპის საბჭოს გენერალური მდივანი.
