უკრაინის პრეზიდენტმა ვოლოდიმირ ზელენსკიმ უნგრეთის პრემიერ-მინისტრ პეტერ მადიარს მადლობა გადაუხადა უკრაინის წინააღმდეგ რუსეთის თავდასხმის დაგმობისთვის.
„უნგრეთის პრემიერ-მინისტრ პეტერ მადიარის მხრიდან უკრაინის წინააღმდეგ რუსეთის თავდასხმის დაგმობა მნიშვნელოვანი გზავნილია. მოსკოვმა კიდევ ერთხელ აჩვენა, რომ საერთო საფრთხეს წარმოადგენს არა მხოლოდ უკრაინისთვის, არამედ მეზობელი ქვეყნებისა და მთლიანად ევროპისთვის“, - დაწერა ზელენსკიმ სოციალურ ქსელში.
„თავდასხმა გრძელდება. უკვე გაშვებულია პირველი რაკეტები. ამ სასტიკი ომის შესაჩერებლად ჩვენი ერთიანი პოზიცია მნიშვნელოვანია. მადლობა გულგრილი რომ არ ხართ და ძლიერი პოზიციისთვის!“ - თქვა ზელენსკიმ.
ცნობისათვის, მადიარმა განცხადება უნგერთის ახალი მთავრობის პირველი სხდომის შემდეგ გააკეთა, სადაც 13 მაისს უკრაინაზე, მათ შორის ზაკარპატიის ოლქზე, რუსეთის მასშტაბურ შეტევაზე მსჯელობდნენ.
„უნგრეთის მთავრობა მკაცრად გმობს რუსეთის თავდასხმას ზაკარპატიაზე“, - განაცხადა მადიარმა.
მისი თქმით, უნგრეთის საგარეო საქმეთა მინისტრმა ანიტა ორბანმა რუსეთის ელჩი შეხვედრაზე დაიბარა, ზაკარპატიაზე დრონებით შეტევის გამო.
