უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინულმა მხარემ რუსეთს ტყვეთა გაცვლის ფარგლებში 1000-კაციანი სია უკვე გადასცა და ახლა ამერიკელი პარტნიორებისგან ელოდება შეთანხმების შესრულების უზრუნველყოფას.
ზელენსკიმ ამის შესახებ ვიდეომიმართვაში ისაუბრა.
„ამჟამად გრძელდება ჩვენი კონტაქტებიც ამერიკულ მხარესთან იმ შეთანხმებების შესრულების გარანტიებთან დაკავშირებით, რომლებიც ცოტა ხნის წინ იქნა მიღწეული და რომლებზეც აშშ-ის პრეზიდენტმაც ისაუბრა. ტყვეების გაცვლა ფორმატში 1000-1000-ზე მზადდება და უნდა განხორციელდეს. ამ გარანტიებზე პასუხისმგებლობა ამერიკულმა მხარემ აიღო. უკრაინის საკოორდინაციო შტაბმა რუსულ მხარეს 1000-კაციანი სია გადასცა. ამ შეთანხმებაში ამერიკული შუამავლობა არსებობდა, შესაბამისად, ველოდებით, რომ ამერიკული მხარე აქტიურად ჩაერთვება ამ შეთანხმებების შესრულების უზრუნველყოფაში,“ - განაცხადა ზელენსკიმ.
