გერმანიამ განაახლა მცდელობა, შეიძინოს აშშ-ისგან Tomahawk-ის ტიპის ფრთოსანი რაკეტები მას შემდეგ, რაც პენტაგონმა გერმანიაში ამ იარაღით აღჭურვილი ამერიკული ბატალიონის განთავსების გეგმაზე უარი თქვა .
Financial Times-ის ინფორმაციით, გერმანიის მთავრობა იმედოვნებს, რომ დაარწმუნებს ტრამპის ადმინისტრაციას, დათანხმდეს Tomahawk-ის რაკეტების გაყიდვას Typhon-ის სახმელეთო გამშვებ სისტემებთან ერთად.
გერმანიის თავდაცვის მინისტრი ბორის პისტორიუსი ვაშინგტონში გამგზავრებას გეგმავს, რათა პირადად განიხილოს ასეთი შეთანხმების შესაძლებლობა. თუმცა, წყაროების თქმით, ამ ეტაპზე გაურკვეველია, შედგება თუ არა მისი შეხვედრა აშშ-ის თავდაცვის მინისტრ პიტ ჰეგსეთთან, რადგან დონალდ ტრამპსა და გერმანიის კანცლერ ფრიდრიხ მერცს შორის ურთიერთობები გაუარესდა ირანთან დაკავშირებული ომის გამო.
ამავდროულად, გამოცემის ერთ-ერთი წყაროს თქმით, ბერლინი მზად არის გადაიხადოს უფრო მაღალი თანხა, რათა უზრუნველყოს Tomahawk-ები“ მიწოდება და პროცესის დაჩქარება.
როგორც გამოცემა აღნიშნავს, ეს მიდგომა აჩვენებს ბერლინის გეგმების გადაუდებლობას, რადგან იზრდება შიში, რომ აშშ-ის გადაწყვეტილება ევროპაში სამხედრო ყოფნის შემცირებაზე ქმნის „სიცარიელეს“ ევროპის შემაკავებელ ძალაში რუსეთის წინააღმდეგ.
