სლოვაკეთის პრემიერ-მინისტრი რობერტ ფიცო მოსკოვში რუსეთის პრეზიდენტ ვლადიმირ პუტინს შეხვდა.
როგორც მედია იუწყება,, ფიცომ კრემლში შეხვედრისას განაცხადა, რომ მისთვის „დიდი პატივია“ გამარჯვების დღის აღნიშვნის დროს მოსკოვში ყოფნა.
„სლოვაკეთის რესპუბლიკის მთავრობისა და აქ მყოფი სლოვაკური დელეგაციის სახელით, ნება მომეცით მოგილოცოთ ყველაზე გამორჩეული ეროვნული დღესასწაული“, - განაცხადა ფიცომ.
"რია ნოვოსტის" ცნობით, ფიცომ ასევე თქვა, რომ ევროპაში „ახალი რკინის ფარდა“ ჩნდება, თუმცა რუსეთსა და სლოვაკეთს ურთიერთობების ნორმალიზებისთვის ნაბიჯების გადადგმა შეუძლიათ.
თავის მხრივ, პუტინმა აღნიშნა, რომ იცოდა იმ პრობლემების შესახებ, რომლებიც ფიცოს მოსკოვში ვიზიტს ახლდა, რადგან ბალტიის ქვეყნებმა თავიანთ საჰაერო სივრცეში ფიცოს თვითმფრინავის დაშვეაბზე უარი თქვეს, და დაამატა, რომ მნიშვნელოვანია, რომ ფიცომ მაინც შეძლო მოსკოვში ჩასვლა.
პუტინმა ასევე განაცხადა, რომ რუსეთი მზად არის სლოვაკეთის ენერგეტიკული საჭიროებები უზრუნველყოს.
შეხვედრას ესწრებოდნენ რუსეთის საგარეო საქმეთა მინისტრი სერგეი ლავროვი და „როსატომის“ ხელმძღვანელი.
სლოვაკეთის პრემიერი ერთადერთი ევროპელი ლიდერია, რომელიც 9 მაისს მოსკოვში ჩავიდა. არსებული ინფორმაციით, ის წითელ მოედანზე გამართულ აღლუმს არ დასწრებია.
