აშშ-ის პრეზიდენტმა დონალდ ტრამპმა უკრაინას-რუსეთს შორის ომში სამდღიანი ცეცხლის შეწყვეტის შესახებ განაცხადა და ტყვეების გაცვლაც დააანონსა.
ტრამპის თქმით, ცეცხლის შეწყვეტა 9 მაისიდან უნდა ამოქმედდეს და სამი დღე გაგრძელდეს.
"რუსეთში ამ პერიოდში გამარჯვების დღეს აღნიშნავენ, თუმცა ეს დღე ასევე მნიშვნელოვანია უკრაინისთვისაც, რადგან მეორე მსოფლიო ომში უკრაინამაც უდიდესი როლი ითამაშა. ცეცხლის შეწყვეტა მოიცავს ყველა სახის საბრძოლო მოქმედების შეჩერებას, ასევე ტყვეების გაცვლას - თითოეული მხრიდან 1000 ტყვე", - წერს ტრამპი.
ტრამპმა აღნიშნა, რომ ინიციატივა პირადად მისგან წამოვიდა. მისი სიტყვებით, ორივე ქვეყნის ლიდერმა ეს წინადადება უკვე მოიწონა.
"იმედი მაქვს, ეს ძალიან ხანგრძლივი, სისხლისმღვრელი და მძიმე ომის დასრულების დასაწყისი იქნება.
მოლაპარაკებები ამ დიდი კონფლიქტის დასრულებაზე გრძელდება, ეს ყველაზე მასშტაბური ომია მეორე მსოფლიო ომის შემდეგ და ჩვენ ყოველდღიურად სულ უფრო ვუახლოვდებით შეთანხმებას", - წერს ტრამპი.
