რუსეთის თავდაცვის სამინისტროში აცხადებენ, რომ ქვეყნის რამდენიმე რეგიონზე დრონებით მასშტაბურ შეტევა განხორციელდა. უწყების თქმით საჰაერო თავდაცვამ გაანადგურა 317 უპილოტო საფრენი აპარატი, თუმცა ოფიციალურად არ კონკრეტდება რამდენმა დრონმა შეძლო მიზნამდე მიღწევა.
ინფორმაციას ავრცელებენ რუსული პროპაგანდისტული მედია, ასევე Telegram-არხი Astra და ოფიციალური პირები.
მოსკოვის მერის, სერგეი სობიანინის განცხადებით, მოსკოვისკენ მიმართული 11 დრონი ჩამოაგდეს. მისი თქმით, ნამსხვრევების დაცემის ადგილებზე საგანგებო სამსახურები მუშაობენ.
დარტყმის ქვეშ ასევე აღმოჩნდა რუსეთის ქალაქი ჩებოქსარი, სადაც მდებარეობს თავდაცვის საწარმო "ვნიირ-პროგესი" რომელიც 5 მაისსაც იყო უკრაინელების სამიზნე. ქალაქის მერის განცხადებით, სკოლები გადაყვანილია დისტანციურ სწავლაზე.
რუსეთის თავდაცვის სამინისტროს მტკიცებით, უპილოტო საფრენი აპარატები ჩამოაგდეს რუსეთის სხვადახვა რეგიონში, მათ შორის:
ბელგოროდის, ბრიანსკის, ვოლგოგრადის, ვორონეჟის, კალუგის, კურსკის, ლიპეცკის, ნოვგოროდის, ორლოვის, პენზის, როსტოვის, რიაზანის, სმოლენსკის, ტამბოვის, ტვერის, ტულისა და მოსკოვის ოლქებში. ასევე კრასნოდარის მხარეში, ადიღეს რესპუბლიკაში და კალმიკიის რესპუბლიკაში, ასევე დროებით ოკუპირებულ ყირიმში, და აზოვის, კასპიისა და შავი ზღვის აკვატორიებში.
რუსული მედიის ცნობით, დროებითი შეზღუდვები დაწესდა რამდენიმე აეროპორტში, მათ შორის იაროსლავლში, გელენჯიკში, კრასნოდარში, იჟევსკში, კალუგაში, ასევე მოსკოვის აეროპორტებში - "ვნუკოვოსა" და "შერემეტიევოში".
