სუმის ოლქზე რუსეთის დარტყმების შედეგად ხუთი ადამიანი დაიღუპა, თერთმეტი კი დაშავდა.
ინფორმაციას სუმის ოლქის პოლიცია ავრცელებს.
„სუმის თემი - დაიღუპა 2 ქალი, კიდევ 7 ადამიანი დაშავდა. დაზიანებულია მრავალბინიანი საცხოვრებელი სახლი, სამედიცინო დაწესებულება, საბავშვო ბაღი და საწარმო. ასევე, ავტომობილზე დრონის დარტყმის შედეგად 1 ადამიანი დაიღუპა და კიდევ 1 დაშავდა,“ - ნათქვამია პოლიციის ინფორმაციაში.
ველიკოპისარივსკის დასახლებში ერთი ადამაინი მტრის ნაღმზე აფეთქდა.
ნოვოსლობოდსკში კიდევ ერთი ადამიანი დაიღუპა მას შემდეგ, რაც რუსულმა ძალებმა საცხოვრებელ სახლს დაარტყეს.
პოპოვსკის თემში ერთი ადამიანი დაშავდა, ასევე დაზიანდა საწყობის შენობები და სასოფლო-სამეურნეო ტექნიკა.
გარდა ამისა, ერთი ადამიანი დაშავდა გლუხოვში, ხოლო კიდევ ერთი - ბერეზოვსკის თემში, სადაც ოკუპანტებმა დრონით სამოქალაქო ავტომობილს დაარტყეს.
„რიგ სხვა თემებში დაზიანებულია საცხოვრებელი სახლები, სატრანსპორტო საშუალებები, საგანმანათლებლო დაწესებულება და სამოქალაქო ინფრასტრუქტურის სხვა ობიექტები. პოლიციის თანამშრომლები რუსეთის სამხედრო დანაშაულებს აფიქსირებენ“, - განაცხადეს უკრაინელმა სამართალდამცავებმა.
