ევროპარლამენტის საგარეო საქმეთა კომიტეტმა საქართველოს შესახებ ანგარიში მიიღო. ევროპარლამენტის საგარეო საქმეთა კომიტეტში საქართველოს შესახებ ყოველწლიურ ანგარიშს მხარი 53-მა ევროპარლამენტარმა დაუჭირა, ხოლო მის წინააღმდეგ ხმა 14-მა მისცა.
ანგარიში ეხება 2025 წელს საქართველოში და მისი ავტორია ლიეტუველი ევროპარლამენტარი რასა იუკნევიჩიანე.
„ანგარიში ფოკუსირებულია ევროპარლამენტის მთავარ შეშფოთებაზე საქართველოს დემოკრატიის, კანონის უზენაესობისა და ევროპული ინტეგრაციის მდგომარეობასთან დაკავშირებით“, - აღნიშნულია განცხადებაში.
ანგარიშის პროექტში აღნიშნულია, რომ ევროპარლამენტი გამოხატავს სრულ სოლიდარობას ქართველი ხალხის მიმართ, „რომელიც აგრძელებს ბრძოლას ევროპული და დემოკრატიული საქართველოსთვის დემოკრატიული უკუსვლის, მზარდი რეპრესიების, დაუნდობელი მტრული რიტორიკის, დეზინფორმაციისა და მუქარის ფონზე“.
დოკუმენტში აღნიშნულია, რომ უკვე დაწესებული სანქციები საკმარისი არ არის და ევროკავშირმა ზეწოლა უნდა გააძლიეროს..დოკუმენტში ასევე ხაზგასმით არის აღნიშნული, რომ თუ "ქართული ოცნება" პოლიტიკურ კურსს არ შეცვლის, უვიზო რეჟიმი შესაძლოა საქართველოს მოქალაქეებს შეუჩერდეთ.
რეზოლუცია მოუწოდებს ევროპის ქვეყნებს, მიიღონ სანქციები "საქართველოში რეპრესიებზე პასუხისმგებელ პირებზე" და ითანამშრომლონ სხვა იურისდიქციებთან, როგორიცაა გაერთიანებული სამეფო და აშშ.
"ევროპარლამენტარები მოუწოდებენ ევროკავშირის ყველა ქვეყანას, მიიღონ ევროკავშირის მასშტაბით კოორდინირებული შემზღუდავი ზომები ყველა პასუხისმგებელი პოლიტიკოსის, თანამდებობის პირისა და ხელშემწყობი პირის წინააღმდეგ, მათ შორის სანქციების სიების გაფართოება, აქტივების ყოვლისმომცველი გაყინვა და ვიზების აკრძალვა, რომლებიც მიმართულია სახელმწიფოს ხელში ჩაგდებაზე, რეპრესიებსა და რეჟიმის მიერ დაფინანსებულ პროპაგანდაზე პასუხისმგებელ პირებზე. ისინი განსაკუთრებით კიდევ ერთხელ ადასტურებენ თავიანთ მტკიცე მოწოდებას ევროკავშირისადმი, დააწესოს დაუყოვნებელი და მიზანმიმართული პერსონალური სანქციები "ქართული ოცნების" დამფუძნებლისა და ყოფილი პრემიერმინისტრის, ბიძინა ივანიშვილის, მისი ოჯახის წევრებისა და მისი კომპანიების წინააღმდეგ, ამავდროულად მოუწოდებენ ევროკავშირს, გაყინოს მისი აქტივები და ითანამშრომლოს სხვა იურისდიქციებთან, კერძოდ, გაერთიანებულ სამეფოსთან და აშშ-სთან," - წერია კომიტეტის პრესრელიზში.
