„რადიო თავისუფლების“ პროექტმა „ეხო კავკაზა“ 2026 წლის პირველ მაისს მუშაობა შეწყვიტა. რადიო საქართველოს, ოკუპირებული აფხაზეთისა და სამხრეთ ოსეთის რუსულენოვანი აუდიტორიისთვის მაუწყებლობდა.
„რადიო თავისუფლების“ პრეზიდენტმა, სტივენ კაპუსმა განმარტა, რომ მიღებული გადაწყვეტილება დაკავშირებულია რესტრუქტურიზაციასთან.
მისი თქმით, აღნიშნული ზომები მიღებულია იმისთვის, რომ ორგანიზაციამ შეინარჩუნოს გავლენიანი, აქტუალური და ფინანსურად პასუხისმგებელი ორგანიზაციის პოზიცია.
ამერიკული მედია-კორპორაციის პრესსამსახურის ინფორმაციით, საქართველოს სამსახური გააგრძელებს ქართულენოვან მაუწყებლობას ქართულ ენაზე.
ასევე შეიქმნება რუსულენოვანი პროგრამების ახალი განყოფილება, რომელიც რუსულენოვანი აუდიტორიისთვის გააშუქებს მნიშვნელოვან მოვლენებს ოკუპირებულ აფხაზეთსა და ცხინვალის რეგიონში.
