ტრამპის ადმინისტრაციამ ისრაელს მოუწოდა, არ დაარტყაა ირანში არსებულ ენერგეტიკულ ობიექტებს, განსაკუთრებით ნავთობის ინფრასტრუქტურას. ამის შესახებ Axios წყაროზე დაყრდნობით იუწყება.
ისრაელის ოფიციალური პირის თქმით, აშშ-ის გზავნილი მაღალ პოლიტიკურ დონეზე, გენერალური შტაბის უფროსს გადაეცა.
ეს მას შემდეგ მოხდა, რაც ირანში სარაკეტო დარტყმების შემდეგ სახიფათო „ნავთობის წვიმა“ დაიწყო, რამაც ჰაერი დააბინძურა და სასუნთქი გზების პრობლემები გამოიწვია.
წყარომ ასევე განაცხადა, რომ ტრამპი ირანის ენერგეტიკულ და ნავთობის ობიექტებზე დარტყმებს „უკანასკნელ საშუალებად“ განიხილავს - იმ შემთხვევაში, თუ ირანი განზრახ განახორციელებს თავდასხმას სპარსეთის ყურეში ნავთობის ობიექტებზე.
გამოცემის ცნობით, ირანის წინააღმდეგ ოპერაციის დაწყებიდან, აშშ-ის ასეთი მოთხოვნა პირველი შემთხვევაა, როდესაც ტრამპის ადმინისტრაციამ ისრაელი შეაკავა.
