დღეს, კიდევ ერთხელ, ყველაზე ინტენსიური დარტყმები განხორციელდება ირანის ტერიტორიაზე, - ამის შესახებ აშშ-ის თავდაცვის მდივანმა, პიტ ჰეგსეთმა ბრიფინგზე განაცხადა.
პიტ ჰეგსეთის თქმით, ირანი მარტო დარჩა და საშინლად მარცხდება.
„დღეს, კიდევ ერთხელ, ყველაზე ინტენსიური დარტყმები განხორციელდება ირანის ტერიტორიაზე. ყველაზე მეტი გამანადგურებელი, ყველაზე მეტი ბომბდამშენი, ყველაზე მეტი დარტყმა. დაზვერვის მონაცემები კი ყველაზე ზუსტი და სრულყოფილია. მოლები დაბნეული და შეშინებული არიან, როგორც ტერორისტები. ისინი სკოლებიდან და საავადმყოფოებიდან ისვრიან რაკეტებს, განზრახ ესხმიან თავს უდანაშაულო მოქალაქეებს, რადგან იციან, რომ მათი არმია სისტემატურად ნადგურდება. მათი მარიონეტები – „ჰეზბოლა“, „ჰუსიტები“ და „ჰამასი“ – განადგურებული, არაეფექტური არიან, ან გვერდზე გადგნენ. ირანი მარტო დარჩა და საშინლად მარცხდებიან. ოპერაცია „ეპიკური მრისხანების“ მეათე დღეს ჩვენ ვიმარჯვებთ", - განაცხადა ჰეგსეთმა.
