ევროკავშირის სანქციების მე-20 პაკეტში იყო ყულევის პორტზე საკანონმდებლო წინადადებაც და მტკიცებულებების პაკეტიც, - ამის შესახებ გერმანიის ელჩმა საქართველოში, პეტერ ფიშერმა განაცხადა.
ფიშერის განმარტებით, სანქციების მე-20 პაკეტი უნდა დამტკიცებულიყო გუშინ და მოიცავდა ახალ ზომებს რუსული ნავთობის წინააღმდეგ, მათ შორის იმ პორტების მიმართ, რომლებიც იღებენ რუსულ ნავთობს და ასევე იმ პორტების მიმართ, რომლებიც რუსეთის „ჩრდილოვანი ფლოტის“ ტანკერებს იღებენ. თუმცა, ელჩის თქმით, პაკეტი უნგრეთმა და სლოვაკეთმა დაბლოკეს.
"გუშინ ევროკავშირში უნდა მიგვეღო სანქციების მეოცე პაკეტი, რომელიც საკმაოდ ვრცელი იყო და მოიცავდა ახალ ზომებს რუსული ნავთობის წინააღნდეგ, იმ პორტების წინააღმდეგ, რომელიც იღებს რუსულ ნავთობს და ასევე პორტების წინააღმდეგ, რომელიც იღებს რუსეთის ჩრდილოვან ფლოტის ტანკერებს. ეს პაკეტი ვერ მივიღეთ, რადგან უნგრეთმა და სლოვაკეთმა ვეტო დაადეს.
საქართველოსთან დაკავშირებით მინდა აღვნიშნო, რომ უნგრეთი არის თქვენი საუკეთესო მეგობარი ევროკავშირში, რომელიც საქართველოს ხელისუფლებამ აარჩია, როგორც მისი მოკავშირე, რომელიც როგორც ამბობენ უნდა დაგეხმაროთ ევროკავშირში გაწევრიანებაში- კიდევ ერთხელ დაფიქრდით, ეს არ მოხდება…
ჩვენ ვისაუბრეთ სანქციებზე და მინდა გითხრათ, რომ სასანქციო პაკეტში იყო ყულევის პორტი. ეს იყო საკანონმდებლო წინადადება ევროკავშირში. ის დაიბლოკა ასევე ამ ორი ქვეყნის მიერ [უნგრეატის და სლოვაკეთის მოერ . როდესაც ევროკავშირში არის საკანონმდებლო წინადადება სანქციების დაწესებასთან დაკავშირრბით, ამას მოჰყვება მტკიცებულებების პაკეტი, ჩვენ უბრალოდ არ ვამბობთ, იცით ყულევში შეიძლება რაღაც იყოს და მოდი დავასანქციროთ ის, არა, ჩვენ წარმოვადგენთ მტკივებულებების პაკეტს და როგორც უკვე ვთქვი საკანონმდებლო წინადადებაც იყო და მტკიცებულებების პაკეტიც, - განაცხადა ფიშერმა.
