ამ კოშმარიდან და ტრაგედიიდან რომ გამოვალთ, ეროვნული თანხმობა დაგვჭირდება იმისთვის, რომ ქვეყანა ხელახლა ქვეყანად ვაქციოთ, - ამის შესახებ საქართველოს მეხუთე პრეზიდენტმა სალომე ზურაბიშვილმა აქციებისას დაკავებული პატიმრების ოჯახებთან ადვოკატებთან შეხვედრის დროს გააკეთა.
მისი თქმით, საზოგადოებას პოლიტიკური ალტერნატივა, ერთობა და კოორდინაცია სჭირდება.
მე რაც ამ ქვეყანაში დავიწყე მოღვაწეობა, სულ იმაზე ვმუშაობ, რომ ერთობა შეიქმნას. ერთობა ჩემთვისიარ არის ერთპარტიულობა. არ არის ხელოვნური შეჯამება ამ პარტიების. მაგრამ არის მომენტები, როცა შენ ებრძვი შენ ებრძვი შიგნით ავტორიტარიზმს და გარეთ რუსეთს, თუ შიგნით რუსეთს, აღარ ვიცით უკვე, აქ აღარ არის ადგილი იმისთვის, რომ მე ჩემი იდენტობა და რაღაც... ყველამ ერთად უნდა ვებრძლოთ ამას. ამ კოშმარიდან და ტრაგედიიდან რომ გამოვალთ, ეროვნული თანხმობა დაგვჭირდება იმისთვის, რომ ქვეყანა ხელახლა ქვეყანად ვაქციოთ. ქარტია ძალაშია. დრო რაც გადის რაღაცები დასამატებელი არის. მისი სულისკვეთება უცვლელია, არავინ არ გამოსულა ამ ქარტიიდან და მე რ ვიცი არცერთი დოკუმენტი, რომელზეც ამდენი თანხმობა არის. ესენი როცა ჩამოიშლებიან, შეგვიძლია ქვეყანა ხელში ავიყვანოთ და დავიჭიროთ სტაბილურობა. ამას ელოდება საზოგადოება, რომ უფრო გამბედავად დაუჭიროს მხარი პროტესტს და ამას ელოდებიან ჩვენი პარტნიორები, იმიტომ, რომ ბუნებრივია უყურებენ ქვეყანას და ფიქრობენ, ესენი გავიგეთ ვინც არიან, მაგრამ ესენი თუ არა , ვინ იქნება თუ რა იქნება, ამაზე ჩვენი ვალდებულებაა, რომ პასუხი გავცეთ", - განაცხადა სალომე ზურაბიშვილმა.
