საქართველოს, ისრაელსა და მსოფლიო ებრაელობის 35 წლის იუბილესთან დაკავშირებული ღონისძიებების წინ, თბილისს ისრაელიდან სტუმრობს სხვადასხვა დელეგაცია, რომელთა ძირითადი მიზანია, გაეცნონ „ისრაელის სახლის“ მიერ დანერგილ სახალხო დიპლომატიის უნიკალურ მეთოდს.
ელენ გელბერი, მერობის კანდიდატი, და დავიდ ბენ არუში, ქალაქის ყოფილი მერი, დაინტერესდნენ, თუ როგორ ახერხებს ორგანიზაცია საკუთარი ქვეყნის ინტერესების წარმოდგენით, ორმხრივად შედეგიანი ინტერესების ხორცშესხმას საერთაშორისო ასპარეზზე. ისინი დღეს “ისრაელის სახლის” ხელმძღვანელს, იციკ მოშეს შეხვდნენ.
„ისრაელის სახლი“ დღეს უკვე 27 ქვეყანაში საქმიანობს და ავითარებს დიპლომატიის ახალ მოდელს, რომელიც მხარდაჭერას პოულობს იმ სახელმწიფოებშიც კი, რომელთანაც ისრაელს ოფიციალური დიპლომატიური ურთიერთობები ჯერჯერობით არ აქვს.
ამჟამად „ისრაელის სახლში“ მიმდინარეობს მზადება ისრაელ-საქართველოს შორის სახელმწიფოებრივი კავშირების 35 წლის იუბილეს აღსანიშნავად. თვის ბოლოს დაგეგმილია შეხვედრა ისრაელის პრეზიდენტთან, სადაც იერუსალიმში „ისრაელის სახლის“ ხელმძღვანელი წარმოადგენს ორგანიზაციას.
„ისრაელის სახლის“ დამფუძნებლის იციკ მოშეს თქმით, სამყარო სწრაფად იცვლება. ტექნოლოგიური პროგრესის პარალელურად, გლობალურად იზრდება დაძაბულობა და ანტისემიტიზმის ტალღა. სწორედ ამიტომ, მომავალ წლებში სახალხო დიპლომატიის პრაქტიკული საქმიანობა გარდაიქმნება პოზიტიურ ხიდად ერებსა და ქვეყნებს შორის.
იციკ მოშე ხაზს უსვამს, რომსაერთაშორისო ასპარეზზე მცირე ერების აქტიურობა, მათი იდენტობის შენარჩუნებასთან ერთად, გადამწყვეტ როლს შეასრულებს პოზიტიური კავშირების ჩამოყალიბებაში.
იციკ მოშე იმედს გამოთქვამს, რომ მომდევნო შვიდი წელი იქნება აღმავლობის პერიოდი და სწორედ ახლაა საჭირო მზადება, ხოლო არა პასიური ლოდინი.
ყოფილ მერსა და მერობის კანდიდადტთან შეხვედრის ბოლოს, იციკ მოშე სტუმრებს ესაუბრა ისრაელის ქალაქებში რეპატრირებულთა შორის პოლარიზაციის საფრთხეზე და ხაზი გაუსვა საერთო ისრაელური ცნობიერების გაღრმავების აუცილებლობას. ამ საქმეში მან მმართველ ჯგუფებს მხარდაჭერა აღუთქვა და სპეციალური სემინარების ორგანიზება შესთავაზა.
