არქიმანდრიტი დოროთე ყურაშვილი, რომელიც საპატრიარქოში, ეპარქიული კომისიის სხდომაზე იყო დაბარებული, სხდომაზე მედიასთან ერთად არ შეუშვეს.
არქიმანდრიტ დოროთესთან ერთად საპატრიაროქში მივიდნენ სხვა სასულიერო პირებიც მათ შორის: არქიმანდრიტი ილია, არქიმანდრიტი შიო, იღუმენი ანდრია. საპატრიარქოსთან იმყოფებიოან მაღალი იერარქის სულიერი შვილებიც.
"ამათ, ერთადერთი, რაც შეუძლიათ, მოიმიზეზონ ჩემს დასასჯელად, ეს არის სხდომაზე არგამოცხადება - ანუ რჯულის კანონით, როცა ეპისკოპოსი გიბარებსო, მაშნ აუცილებლად უნდა მიხვიდე, თუ არადა, დაისჯებიო. მე ეპისკოპოსი კი არ მიბარებს, მე მიბარებენ კომისიაზე და როცა კომისიაზე მიბარებენ, მე ბრალდებაც უნდა ვიცოდე, მათი აზრი უნდა ვიცოდე ჩემზე, რა დავაშავე. აი, ჩემი გამონათქვამები რომ გამომიგზავნეს, იქ უნდა ყოფილიყო "აი, შენ ეს რომ თქვი, ეს არის მწვალებლობა, ეს არის შეცდომა, ეს არის არასწორი". ასეთი დაკსვნები არ იყო, იყო უბრალოდ ჩემი გამონათქვამები და ჩემი გამონათქვამები მე ისედაც ვიცი. ჩემს გამონათქვამს მე ისევ ვიტყვი. იქ იყო მხოლოდ და მხოლოდ პოლიტიკური ანუ საჯარო მდგომარეობაზე რომ ვამახვილებდი ყურადღებას, ამაზე იყო ჩემი გამონათქვამები, რაც ხდება საქართველოში და საქართველოს ეკლესიაში. და მხოლოდ და მხოლოდ პოლიტიკურად ეწყინათ და პიროვნულად. სხვანაირად იქ სწავლებითი არაფერი იყო. მეც რაღაცეები, მათი განცხადებები რუსეთის საამებელი, არ მომწონს, მაგრამ მე არცერთის დასჯა არ მომითხოვია, იმიტომ, რომ ამის გამო არ შეიძლება, მღვდელი დაისაჯოს. ამიტომ, მათ უნდოდათ მიზეზი, პოლიტიკური განცხადებების გამო ჩემი დასჯა შეუძლებელია და ახლა უნადთ მიზეზი, რომ მეორედ თუ გამოვცხადდები, დამსჯიან. ამიტომ მე ვთქვი "მოვდივარ", მაგრამ მხოლოდ საჯაროდ. არათ არ გამოვცხადდი, არ შემიშვეს. მე ჩემი მოთხოვნა მაქვს, უნდა შევიდე ჟურნალისტებთან ერთად და ეს უნდა გახდეს საჯაროდ. იმათმა მითხრეს, რომ სხდომა არ შეიძლება, ჟურნალისტებმა გადაიღონო, ეს არის ტყუილი. არ შეიძლება, გადაიღონ, ჩაიწერონ, როცა ადამიანის პიროვნულ, პირად ცოდვაზეა საუბარი. მე რომ მტხოვდნენ ახლა რაღაც გადაცდომებს არა სწავლებაში, არამედ ცხოვრებაში ვიღაცასთან, რაღაცასთან, ზნეობრივი, მაშინ მათ შეუძლიათ, რომ მე ამიკრაძალონ ჩაწერაც... მე მთხოვენ პასუხს სწავლებაზე. რა აქვთ დასამალი, რატომ იმალებიან? დაამტკიცონ თავიანთი სწავლება, დაამტკიცონ, რომ ის, რასაც ამბობენ, სწორია, დაამტკიცონ, რომ რუსეთი ჩვენი მოყვარეო, დაამტკიცონ, რომ ევროპა ჩვენი მტერია. დაამტკიცონ, რას იმალებიან?"- თქვა არქიმანდრიტმა.
ფოტო: "ნეტგაზეთი"
