საქართველოს მეხუთე პრეზიდენტი სალომე ზურაბიშვილი პრაღაში ჟურნალისტ მზია ამაღლობელისათვის „გამბედაობისა და პასუხისმგებლობისთვის” „Forum 2000“-ის საერთაშორისო ჯილდოს გადაცემის ცერემონიას დაესწრო.
"ვულოცავთ მზია ამაღლობელს, პრაღის ფორუმის საერთაშორისო ჯილდოს მფლობელს გამბედაობისა და პასუხისმგებლობისთვის. ის საქართველოს წინააღმდეგობის სახეა, რომელიც დემოკრატიისთვის, ღირსებისა და ევროპული მომავლისთვის იბრძვის. ვერც ერთი ციხე ან რეჟიმი ვერ გააჩუმებს ხალხს, რომელმაც უკვე აირჩია ევროპა"- აღნიშნავს სალომე ზურაბიშვილი.
