ნიუ იორკში, გაეროს გენერალური ასამბლეის ფარგლებში, აშშ-ის პრეზიდენტ დონალდ ტრამპთან დახურული შეხვედრის დროს, უკრაინის პრეზიდენტმა ვოლოდიმირ ზელენსკიმ აშშ-ს Tomahawk-ის ტიპის რაკეტები სთხოვა, რაც მას მოსკოვში სამიზნეებზე დარტყმის საშუალებას მისცემდა.
გამოცემა Telegraph-ის ცნობით, ზელენსკიმ თავის ამერიკელ კოლეგას უთხრა, რომ მაღალტექნოლოგიური იარაღი რუსეთის პრეზიდენტ ვლადიმირ პუტინს სამშვიდობო მოლაპარაკებების მაგიდასთან დაჯდომას აიძულებს.
რამდენიმე წყარომ გამოცემას განუცხადა, რომ თხოვნა ორი ლიდერის შეხვედრის დროს გაკეთდა, რომელიც გაერო-ს გენერალური ასამბლეის ფარგლებში გაიმართა და უკიდურესად დადებითად შეფასდა.
შეხვედრის შემდეგ მიცემულ ინტერვიუში ზელენსკიმ განაცხადა, რომ ტრამპმა დადებითად უპასუხა მის თხოვნას შორი მოქმედების ფრთოსანი რაკეტების შესახებ, რაც კიევს მოსკოვში სამიზნეებზე დარტყმების განხორციელების საშუალებას მისცემდა.
შეხვედრის შემდეგ მიცემულ ინტერვიუში ზელენსკიმ განაცხადა, რომ ტრამპმა დადებითად უპასუხა მის მოთხოვნას შორი მოქმედების ფრთოსანი რაკეტების შესახებ, რაც კიევს საშუალებას მისცემდა მოსკოვში სამიზნეებზე დარტყმების განხორციელებას.
„პრეზიდენტმა ტრამპმა იცის, გუშინ ვუთხარი, რომ ჩვენ ერთი რამ გვჭირდება. ჩვენ ეს გვჭირდება, მაგრამ ეს არ ნიშნავს, რომ მას გამოვიყენებთ. რადგან თუ ამას გავაკეთებთ, ვფიქრობ, ეს პუტინზე დამატებით ზეწოლას მოახდენს, რათა მოლაპარაკებების მაგიდასთან დაჯდეს“, - განაცხადა უკრაინის პრეზიდენტმა ტრამპთან შეხვედრის შემდეგ.
