აშშ-ის გამოძიების ფედერალური ბიუროს ყოფილ უფროსს, ჯეიმს კომის ბრალი წაუყენეს. ამის შესახებ BBC იუწყება.
ჯეიმს კომის ბრალი წაუყენეს ცრუ ჩვენების მიცემასა და მართლმსაჯულებისთვის ხელის შეშლაში.
მის წინააღმდეგ ბრალდებები უკავშირდება 2020 წელს სენატის იურიდიულ კომიტეტში მიცემული ჩვენებას, რომელიც რუსეთის მიერ 2016 წლის აშშ-ის არჩევნებში სავარაუდო ჩარევას ეხებოდა.
აშშ-ის გენერალურმა პროკურორმა პემ ბონდიმ განაცხადა, რომ „არავინ დგას კანონზე მაღლა“ და ბრალდება ასახავს იუსტიციის დეპარტამენტის ვალდებულებას, პასუხი აგებინოს მათ, ვინც ძალაუფლებას ბოროტად იყენებს.
ბრალდების დამტკიცების შემთხვევაში, კომის ხუთ წლამდე თავისუფლების აღკვეთა ემუქრება, - განაცხადა ფედერალურმა პროკურორმა ლინდსი ჰოლიგანმა, რომელიც ამ თანამდებობაზე აშშ-ის პრეზიდენტმა დონალდ ტრამპმა რამდენიმე დღის წინ დანიშნა.
ჯეიმს კომი დონალდ ტრამპმა თანამდებობიდან მისი პირველი საპრეზიდენტო ვადის დროს, 2017 წელს გაათავისუფლა.
ჯეიმს კომი 2013-2017 წლებში აშშ-ის გამოძიების ფედერალური ბიუროს ხელმძღვანელის თანამდებობას იკავებდა.
