ევროკომისიის პრეზიდენტი, ურსულა ფონ დერ ლაიენი აცხადებს, რომ კომისია მალე წარადგენს რუსეთის წინაამღმდეგ სანქციების მე-19 პაკეტს.
როგორც ჩანს, ურსულა ფონ დერ ლაიენი ამ განცხადების გაკეთებამდე შეერთებული შტატების პრეზიდენტ დონალდ ტრამპს ესაუბრა.
ფონ დერ ლაიენის განცხადებით, ახალი პაკეტი რუსეთის კრიპტოვალუტას, საბანკო და ენერგეტიკულ სექტორებს ამოიღებს მიზანში.
"კარგი საუბარი მქონდა აშშ-ის პრეზიდენტ დონალდ ტრამპთან რუსეთზე ეკონომიკური ზეწოლის გაზრდის მიზნით ჩვენი ერთობლივი ძალისხმევის გაძლიერების შესახებ, დამატებითი ზომების მეშვეობით. კომისია მალე წარმოადგენს სანქციების მე-19 პაკეტს, რომელიც მიზნად ისახავს კრიპტოს, ბანკებსა და ენერგეტიკას", - წერს ევროკომისიის პრეზიდენტი.
ურსულა ფონ დერ ლაიენი დასძენს, რომ რუსეთის საომარი ეკონომიკა, რომელიც წიაღისეული საწვავის შემოსავლებით არის მხარდაჭერილი, „აფინანსებს უკრაინაში სისხლისღვრას“. მისივე თქმით, ამის დასასრულებლად კომისია ევროკავშირს რუსული წიაღისეული საწვავის იმპორტის გაუქმების დაჩქარებას შესთავაზებს.
