ესტონეთი გააგრძელებს უკრაინისთვის სამხედრო დახმარების გაწევას მშპ-ს მინიმუმ 0.25%-ის დონეზე, რაც 100 მილიონ ევროზე მეტია. ამ თანხის უმეტესი ნაწილი ესტონური კომპანიების პროდუქციის მეშვეობით გაიგზავნება.
ამის შესახებ ესტონეთის თავდაცვის მინისტრმა, ჰანო პევკურმა განაცხადა.
„ესტონეთი გააგრძელებს უკრაინის მტკიცე მხარდაჭერას რუსეთის აგრესიულ ომში. მომავალ წელს კი ჩვენ დავიცავთ პრინციპს, რომ ჩვენი მშპ-ს 0.25% უკრაინის დახმარებას მოხმარდება. ჩვენ უკრაინის სამხედრო საჭიროებებით ვხელმძღვანელობთ და მომავალ წელს ესტონეთის თავდაცვის ინდუსტრიის კომპანიებიც მნიშვნელოვან როლს შეასრულებენ“, - თქვა მან.
მინისტრმა ასევე აღნიშნა, რომ ესტონეთი გააგრძელებს უკრაინელების სწავლებას და IT გადაწყვეტილებების მხარდაჭერას უკრაინის თავდაცვის სფეროში.
ესტონეთმა უკრაინას 500 მილიონ ევროზე მეტი სამხედრო დახმარება გამოუყო - მისი მშპ-ს 1.4%, რის შედეგადაც ესტონეთი ეკონომიკაში შეტანილი წვლილის მიხედვით მსოფლიო ლიდერებს შორისა.
დახმარება მოიცავს ჯაველინებს, ჰაუბიცებს და სხვა არტილერიას, ტანკსაწინააღმდეგო იარაღს, ნაღმტყორცნებს, ტრანსპორტს, კავშირგაბმულობას, საველე ჰოსპიტლებს (გერმანიასთან, ნიდერლანდებთან, ნორვეგიასთან და ისლანდიასთან ერთად), სამედიცინო მარაგს, დამცავ აღჭურვილობას და მშრალო კვების რაციონს.
სრულმასშტაბიანი ომის დაწყებიდან ესტონეთმა 1500-ზე მეტი უკრაინელი სამხედრო მოსამსახურე გაწვრთნა და ლუქსემბურგთან ერთად 2023 წელს შექმნა IT კოალიცია, რათა უკრაინის შეიარაღებული ძალებისთვის ნატო-ს სტანდარტების შესაბამისად უსაფრთხო ინფრასტრუქტურა შეექმნა.
