ეგვიპტეში "ალ-ჯაზირას" 3 და "ნიუ იორკ ტაიმსის 2 რეპორტიორი დააკავეს.
"ალ-ჯაზირას" ჟურნალისტების დაკავების ინფორმაციას თავად ტელეკომპანია ავრცელებს, ხოლო "ნიუ იორკ ტაიმსისას" "ასოსიეიტიდ პრესი".
დაკავებულების შესახებ ინფორმაცია რამდენიმე წუთის წინ გავრცელდა და ჯერჯერობით უცნობია, რა მოტივით დააკავეს ეგვიპტელმა სამართალდამცველებმა ჟურნალისტები. ასევე უცნობია დაკავებულების ადგილსამყოფელი.
"ჟურნალისტთა დაცვის კომიტეტი" იუწყება, რომ გუშინდელი შეტაკებების დროს ეგვიპტეში სულ მცირე 10 ჟურნალისტი დააკავეს. პრეზიდენტ ჰოსნი მუბარაქის მომხრეებისა და მოწინააღმდეგეების შეტაკების დროს თავს დაესხნენ CNN-ის ჟურნალისტ ანდერსონ კუპერსაც.
