გავრცელებული ინფორმაციით, ლაგოდეხი-თბილისის გზაზე ერთმანეთს ტრაილერი და მსუბუქი მანქანა შეეჯახნენ - არის მსხვერპლი.
არსებული ინფორმაციით, დაღუპულია ავტომობილში მყოფი ერთი პირი. ვრცელდება ინფორმაცია ერთი დაშავებულის შესახებაც.
შეჯახების შედეგად მსუბუქ მანქანაში მყოფმა დედა - შვილმა მძიმე დაზიანებები მიიღეს. ახალგაზრდა ბიჭი ადგილზე გარდაიცვალა, მისი დედა კი საავადმყოფოშია მოთავსებული.
შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
