ყველა არგუმენტი არის უსაფუძვლო, ბევრი რამ არის არალოგიკური და არგუმენტირებული - ჩემთვის არ არის ადვილი ამ მანდატურების ყურება, რომლებმაც ჩემზე იძალადეს,- ამის შესახებ მანდატურზე თავდასხმის ბრალდებით დაკავებულმა აქტივისტმა ნინო დათაშვილმა თბილისის საქალაქო სასამართლოში მიმდინარე სხდომაზე განაცხადა.
სიტყვით ისარგებლა ნინო დათაშვილმა.
დღეს სხდომაზე დათაშვილმა გაიხსენა მომენტი, როცა საქალაქო სასამართლოს მანდატურებმა დერეფანში მის მიმართ ძალას გადაამეტეს.
"ყველა არგუმენტი არის უსაფუძვლო. ბევრი რამ არის არალოგიკური და არა არგუმენტირებული. დაკავებაზე გამიშვა ერთმა მოსამართლემ, მეორემ პატიმრობაში დამტოვა, იძულებით ფსიქიატრიული ექსპერტიზა დამინიშნეს და ა.შ. ვეთანხმები ადვოკატს. ჩემთვის არ არის ადვილი ამ მანდატურების ყურება. კანონის წინაშე ყველა თანასწორია და მეც მინდა ვისარგებლო ამ უფლებით. მე დაზარალებული ვარ და არა დამნაშავე. მე თვითონ დავრეკე 112- ში იმ დღეს თუმცა ეკიპაჟი არ მოვიდა", - განაცხადა დათაშვილმა "ტვ პირველის" ცნობით.
