გარემოს ეროვნული სააგენტოს ცნობით, აღმოსავლეთ საქართველოს აღმოსავლეთ რაიონებში 16 აგვისტოდან 17 აგვისტოს დილამდე მოსალოდნელია ხანმოკლე წვიმა, ზოგან ძლიერი, ელჭექი, შესაძლებელია სეტყვა და ნისლი.
სინოპტიკოსების პროგნოზით, მოსალოდნელმა ნალექებმა, შესაძლებელია, გამოიწვიოს აღმოსავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში – მეწყრულ-ღვარცოფული პროცესების ჩასახვა-გააქტიურება.
მათივე ინფორმაციით, საფრთხის დონე საშუალოა.
