უკრაინული დრონები სამარის ოლქის ქალაქ სიზრანში ნავთობგადამამუშავებელ ქარხანას თავს დაესხნენ.
უკრაინულმა Telegram არხმა exilenova+ გამოაქვეყნა ფოტო და ვიდეო (დაუდასტურებელი), სავარაუდოდ, სიზრანის მაცხოვრებლების მიერ გადაღებული, რომლებშიც ჩანს ადგილობრივი ნავთობგადამამუშავებელი ქარხანა და ორი ან სამი ხანძარი, საიდანაც, სხვადასხვა კუთხიდან შავი კვამლის დიდი სვეტები ამოდის.
პროსამთავრობო რუსულმა საინფორმაციო ტელეგრამ-არხმა SHOT-მა დაწერა, რომ სიზრანის მაცხოვრებლებმა „უკრაინის შეიარაღებული ძალების თავდასხმის შემდეგ ადგილობრივი ნავთობგადამამუშავებელი ქარხნის ტერიტორიაზე ხანძრის შესახებ“ განაცხადეს. „როგორც ადგილობრივმა მაცხოვრებლებმა SHOT-ს განუცხადეს, აფეთქებების სერიის შემდეგ მათ ადგილობრივი საწარმოს ტერიტორიაზე ცეცხლი და კვამლი შენიშნეს, - იტყობინება არხი.
წინა ღამეს უკრაინულმა დრონებმა ვოლგაზე, ვოლგოგრადში, კიდევ ერთ ნავთობგადამამუშავებელ ქარხანას დაარტყეს. ადგილობრივმა ხელისუფლებამ აღიარა, რომ ქარხანაში ხანძარი გაჩნდა.
სიზრანის ნავთობგადამამუშავებელ ქარხანაზე წელს უკვე ორჯერ განხორციელდა თავდასხმა დრონებით, 19 თებერვალს და 4 მარტს.
