საბერძნეთის დედაქალაქ ათენთან ახლოს, მასშტაბურ ხანძარს ებრძვიან. ცეცხლის ქრობის ოპერაციაში 260-ზე მეტი მეხანძრეა ჩართული.
ხანძარი, რომელმაც უკვე ერთი ადამიანი იმსხვერპლა, პარასკევს ათენიდან სამხრეთ-აღმოსავლეთით დაახლოებით 43 კილომეტრში მდებარე სოფელში გაჩნდა. კიდევ ორი ადამიანი ძლიერი ქარის შედეგად დაიღუპა.
ძლიერი ქარი ხელს უშლის ხანძრის ჩაქრობის მცდელობებს. ევაკუირებულია ათასობით ადამიანი.
საბერძნეთის მასშტაბით ხანძარი რამდენიმე სხვა ტერიტორიაზეც დაფიქსირდა, მათ შორის ტურისტულ კუნძულ კეფალონიაზე. დამწვარია ათობით საცხოვრებელი სახლი.
