ეგვიპტის დედაქალაქ კაიროს ცენტრში, ტაჰირის მოედანზე, პრეზიდენტ მუბარაქის მოწინააღმდეგეებსა და მომხრეებს შორის შეტაკებები ხდება.
როგორც "ასოშიეითედ-პრესი" იუწყება, მუბარაქის ასობით მომხრემ გადაინაცვლა ტაჰირის მოედანზე და იქ შეკრებილ დემონსტრანტებს ხელკეტები დაუშინეს, რის შედეგადაც რამდენიმე ადამიანია დაშავებული.
შეგახსენებთ, რომ ეგვიპტის სამხედრო მაღალჩინოსნებმა, დემონსტრანტებს მოუწოდეს დაშლილიყვნენ შეტაკებების თავიდან ასარიდებლად. დღეს ახალი კომენდატის საათიც დაწესდა, რომელიც კაიროს დროით 17:00 საათზე იწყება და 07:00 საათზე მთავრდება.
კაიროს ქუჩებში ასიათასობით ადამიანია შეკრებილი. დემონსტრანტები პრეზიდენტ ჰოსნი მუბარაქის სასწრაფო გადაყენებას მოითხოვენ. გუშინდელი "მილიონიანი მარშის" დროს, ქუჩებში მუბარაკის მომხრეებიც გამოვიდნენ.
