საფრანგეთის საგარეო საქმეთა მინისტრი ჟან-ნოელ ბარო გამოეხმაურა დიდი ბრიტანეთის პრემიერ-მინისტრის, კირ სტაერმერის განცხადებას პალესტინის სახელმწიფოს შესაძლო აღიარების შესახებ.
„გაერთიანებული სამეფო დღეს უერთდება საფრანგეთის მიერ პალესტინის სახელმწიფოს აღიარების იმპულსს.
ერთად, ამ მტკიცე გადაწყვეტილებითა და ერთობლივი ძალისხმევით, ჩვენ ვარღვევთ ძალადობის დაუსრულებელ ციკლს და ხელახლა ვხსნით მშვიდობის პერსპექტივას რეგიონში.
სამართლიანი და ნათელი იდეა, რომელსაც ვერაფერი და ვერავინ უარყოფს“, - წერს ბარო.
შეგახსენებთ, ბრიტანეთის პრემიერ-მინისტრმა, კირ სტარმერმა განაცხადა, რომ თუ ისრაელი არ დათანხმდება ცეცხლის შეწყვეტას ღაზის სექტორში, დიდი ბრიტანეთი სექტემბერში პალესტინას დამოუკიდებელ სახელმწიფოდ აღიარებს.