ოპოზიციონერი დეპუტატი ჯონდი ბაღათურია ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის კობა სუბელიანის ანტიკრიზისულ საბჭოზე მისვლას ითხოვს.
ამის შესახებ "ქართული დასის" ლიდერმა ჯონდი ბაღათურიამ დღეს, პარლამენტში გამართულ ბრინგზე განაცხადა.
"ის ფინანსური დარღვევები, რომელიც ჩვენმა ექსპერტებმა და კონტროლის პალატამ ლტოლვილთა სამინისტროში აღმოჩინა, ძალიან სერიოზულად უნდა განიხილოს. ამიტომ ვითხოვთ, ანტიკრიზისული საბჭოს ფორმატში მინისტრმა კობა სუბელიანმა ყველა არსებულ კითხვაზე პასუხი გაგვცეს და გაგვარკვიოს, რაში დაიხარჯა ეს ფული", - აღნიშნა ბაღათურიამ.
მისივე თქმით, თუ სუბელიანი ანტიკრიზისულ საბჭოს მიმართ დემარშს გააგრძლებს და კვლავ დაემალება პარლამენტს, ასეთ შემთხვევაში "ქართული დასი" გენერალურ პროკურატურას სამინისტროში გამოვლენილი დარღვევების შესახებ მასალებს გადასცემს.
როგორც ცნობილია, "ქართული დასი" ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს 30 მილიონამდე ლარის არამიზნობრივ ხარჯვაში სდებს ბრალს.
