ადამიანის უფლებათა დაცვის ევროპული სასამართლო რუსეთის წინააღმდეგ საქართველოს სარჩელთან დაკავშირებით ევროსაბჭოს საპარლამენტო ასამბლეის მონიტორინგის კომიტეტის მომხსენებელ მათიას იორშს 4 თებერვალს დაკითხავს.
იმავე დღეს მოხდება სხვა დამოუკიდებელი ექსპერტების დაკითხვაც.
მათიას იორშის დაკითხვა სასამართლომ მიზანშეწონილად იმ გარემოების გამო მიიჩნია, რომ სწორედ მან შეისწავლა 2006 წელს რუსეთიდან დეპორტირებული ქართველების საქმეები და შესაბამისი დასკვნაც მოამზადა.
აღსანიშნავია, რომ მოწმეების დაკითხვის პროცესის დასრულების შემდეგ სასამართლო საქმის განხილვის ახალ ეტაპზე გადავა, თუმცა რამდენი ხანი დასჭირდება პროცესისი საბოლოოდ დასრულებას ჯერჯერობით უცნობია.
ადამიანის უფლებათა დაცვის ევროპული სასამართლოს მდივნის ერიკ ფრიბერგის განცხადებით, განაჩენი სავარაუდოდ, შემოდგომაზე გამოცხადდება.
