სამოქალაქო აქტივისტები ყაზბეგის ქუჩაზე მდებარე სასტუმრო "საბურთალოსთან" შეიკრიბნემ, სადაც სამხედრო წოდებების მქონე რუსი სპორტსმენები ისვენებენ. საუბარია სპორტსმენებზე, რომელთაგანაც ორი მოქმედი სამხედრო ოფიცერია და უკრაინის ომის მხარდაჭერის გამო საერთაშორისო სანქციების ქვეშ იმყოფება. ისინი თბილისში გამართულ ფარიკაობის მსოფლიო ჩემპინატში მონაწილეობენ.
მოქალაქეებს მიტანილი აქვთ ბანერები - "ანწუხელიძის ქვეყანაში რუსები ვერ გაიმარჯვებენ, ანწუხელიძე უკვდავია!" დემონსტრანტებმა ადგილზე დაწვეს რუსეთის დროშაც.
"მოგეხსენებათ, ამ ქვეყანას ისე არაფერი ღუპავს, როგორც კოლაბორანტი, კონფრომისტი და მოღალატე ადამიანები. სწორედ ასე გამოიყურებიან დღეს ამ სასტუმროს წარმომადგენლები, დაცვა, რომელიც, სხვათაშორის, არც თუ ისე დიდ ანაზღაურებას იღებს და ფექვეშ გაეგნენ არა მოფარიკავეებს და სპორტის წარმომადგენლებს, არამედ, საქმე იმაშია, რომ ესენი გახლავთ ჩინის მქონე რუსი სამხედროები, რომლებიც პუტინთან არიან აფილირებულები და თქვენ ნახავთ აქ უამრავ პლაკატს სწორედ იმის მტკიცებად, რომ ისინი არა რუსი მოფარიკავეები და სპორტსმენები, არამედ ისინი არიან სამხედრო ჩინის მქონე პირები, რომლებიც აქტიურად მონაწილეობდნენ 2008 წლის აგვისტოს ომში, რომლებიც აქტიურად მონაწილეობდნენ ჩვენი გმირების ლიკვიდაციაში, მათ შორის ანწუხელიძის წამებაში, ოთხოზორიას და ტატუნაშვილის მვკელობაში. ვფიქრობ, რომ ამ ადამიანების ადგილი ლეგიტიმურად არ არის აქ", - განუცხადა "ტვ პირველს" აქტივისტმა მარიამ მეყანწიშვილმა.
მანამდე ფარიკაობის მსოფლიო ჩემპიონატის პაარალელურად, დილიდან აქციებია თბილისში. აქცია გაიმართა ახალ სპორტის სასახლესთან. ასევე რამდენიმე აქტივისტმა ბანერები გაშალა სასახლეში, სადაც რუსი სპორტსმენები ასპარეზობდნენ.
