თვალჭრელიძის ქუჩის მცხოვრებლები, რომელთა გამოსახლების პროცესი ამ წუთებში მიმდინარეობს, დედაქალაქის მერთან შეხვედრას ითხოვენ.
როგორც მოსახლეობა აღნიშნავს, დედაქალის მერი ვალდებულია, ადგილზე მივიდეს და პროცესს გაეცნოს.
ადგილზე სიტუაცია რამდენჯერმე დაიძაბა.
4 პირი ადმინისტრაციული წესით დააკავეს.
ისინი დაკავებულები არიან ადმინისტრაციულ სამართალდარღვევათა კოდექსის 173-ე მუხლით, რაც პოლიციის მოთხოვნისადმი დაუმორჩილებლობას გულისხმობს.
თვალჭრელიძის ქუჩაზე საპატრულო პოლიციის და აღსრულების ბიუროს თანამშრომლები არიან.
ერთ-ერთი პირი კორპუსის სახურავზე იყო ასეული და ამბობდა, რომ თუ გამოსახლება არ შეჩერდება, საცხოვრებელი კორპუსის სახურავიდან გადმოხტება.
მცხოვრებების ცნობით, მერიამ მათ 2-3 თვით ქირის გადახდა შესთავაზა.
აღსრულების პოლიციის განმარტებით, სამხარაულის ექსპერტიზის ეროვნული ბიუროს დასკვნით, შენობას მინიჭებული აქვს მეოთხე კატეგორიის ავარიულობის ხარისხი.
