საქართველოს ე.წ ხელისუფლება გეგმაზომიერად აქრობს ოკუპირებული ტერიტორიების საკითხს, ამიტომ გასაკვირი არ არის, რომ პუტინის გადაწყვეტილებას არავინ გამოხმაურებია, - ამის შესახევ „ერთიანი ნაციონალური მოძრაობის“ ერთ-ერთმა ლიდერმა, ლევან სანიკიძემ განაცხადა.
მან უპასუხა ჟურნალისტის შემდეგ შეკითხვას: „როგორ შეაფასებდით ვლადიმერ პუტინის ახალ ბრძანებას აფხაზეთსა და ე.წ სამხრეთ ოსეთში ადამიანებისთვის პასპორტების ადგილზევე აღების გადაწყვეტილებას, რასაც ამ დრომდე საქართველოს საგარეო საქმეთა სამინისტრო არ გამოხმაურებია”.
სანიკიძის განმარტებით, რუსეთის ქმედება გასაკვირი არ არის, მაგრამ გასაკვირია ის, რომ ქართველებს „ასეთი ხელისუფლება გვყავს, რომელსაც ფეხებზე ჰკიდია, როგორც აფხაზეთი, ისე ე.წ სამხრეთ ოსეთი”.
„მე ის უფრო გამიკვირდებოდა, საგარეო საქმეთა სამინისტრო ამას რომ გამოხმაურებოდა. ჩვენ გვყავს ხელისუფლება, რომელმაც ეუთოში უმნიშვნელოვანეს რეზოლუციას, სადაც სირიის მიერ აფხაზეთის და ე.წ სამხრეთ ოსეთის უკან წაღებაზე საუბარი იყო, ხმა არ მისცა.
ეს არის ხელისუფლება, რომელიც გეგმაზომიერად აფხაზეთის და ე.წ სამხრეთ ოსეთის საკითხს აქრობს, აქედან გამომდინარე, რუსეთის ქმედება საერთოდ არ არის გასაკვირი, გასაკვირია ის, რომ ჩვენ ქართველებს ისეთი ხელისუფლება გვყავს, რომელსაც ფეხებზე ჰკიდია, როგორც აფხაზეთი, ისე ე.წ სამხრეთ ოსეთი, რომელიც რუსეთის ფედერაციის მხრიდან ოკუპირებულია”, - განაცხადა ლევან სანიკიძემ.
