9 ივლისის ღამეს, ლუცკზე რუსეთის ჯარებმა სრულმასშტაბიანი შემოჭრის დაწყებიდან ყველაზე მასშტაბური თავდასხმა განახორციელეს, რომლის დროსაც მათ დრონები და რაკეტები გამოიყენეს.
იერიშს ხანძარი და ნგრევა მოჰყვა, თუმცა მსხვერპლის შესახებ ინფორმაცია ჯერ არ ვრცელდება.
„დღეს ჩვენს ქალაქსა და თემზე მტრის ყველაზე მასშტაბური თავდასხმა განხორციელდა უპილოტო საფრენი აპარატებისა და რაკეტების გამოყენებით. საბედნიეროდ, ამ დროისთვის მტრის თავდასხმის შედეგად დაშავებულების შესახებ ინფორმაცია არ არსებობს“, - განაცხადა ქალაქის მერმა იგორ პოლიშჩუკმა.
მერის თქმით, დარტყმამ ხანძარი გამოიწვია და ერთ-ერთი ავტოფარეხის კოოპერატივის ტერიტორიაზე მდებარე ავტოფარეხები დააზიანა. ხანძარი ასევე დაფიქსირდა ერთ-ერთი ადგილობრივი საწარმოს ტერიტორიაზე. ნგრევის ზუსტი მასშტაბი და თავდასხმის სხვა შედეგები ჯერ კიდევ გამოძიების პროცესშია.
მოგვიანებით, ვოლინის რეგიონალური სახელმწიფო ადმინისტრაციის ხელმძღვანელმა ივან რუდნიცკიმ განაცხადა, რომ ვოლინის საჰაერო სივრცეში დაახლოებით 50 უპილოტო საფრენი აპარატი და 5 რაკეტა იმყოფებოდა.
