უკრაინამ მოსკოვის ოლქში მდებარე ქარხანაზე, რომელიც საბრძოლო მასალას აწარმოებს, იერიში მიიტანა.
„მტრის ასაფეთქებელი ნივთიერებებისა და საბრძოლო მასალის წარმოების შესაძლებლობების შემცირების ფარგლებში, 7 ივლისის ღამეს, უკრაინის შეიარაღებული ძალების უპილოტო სისტემების ძალების ქვედანაყოფებმა, თავდაცვის ძალების სხვა კომპონენტებთან თანამშრომლობით, იერიში მიიტანა რუსეთის ფედერაციის მოსკოვის ოლქში მდებარე „კრასნოზავოდსკის ქიმიურ ქარხანაზე“, - წერს უკრაინის შეიარაღებული ძალების გენერალური შტაბი.
მათი ინფორმაციით, საწარმო საბრძოლო მასალას აწარმოებს, კერძოდ, თერმობარულ ქობინებს შაჰედის ტიპის უპილოტო საფრენი აპარატებისთვის. ასევე აღნიშნულია, რომ კრასნოზავოდსკის რაიონში აფეთქებების სერია და მეზობელ დასახლებებში სახანძრო მანქანების გადაადგილება დაფიქსირდა.
გენშტაბის განცახდებით, თავდასხმის შედეგები დგინდება.
ამასთან,გენერალური შტაბი აღნიშნავს, რომ თავდაცვის ძალები აგრძელებენ ზომების მიღებას რუსი ოკუპანტების შეტევითი პოტენციალის შესასუსტებლად და რუსეთის იძულებას შეწყვეტოს უკრაინის წინააღმდეგ აგრესია.
