უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტ დონალდ ტრამპთან სატელეფონო საუბარი გამართა. ამის შესახებ უკრაინის პრეზიდენტის ადმინისტრაციის ხელმძღვანელი ანდრიი ერმაკი წერს.
„ძალიან მნიშვნელოვანი და შინაარსიანი საუბარი შედგა პრეზიდენტებს [ზელენსკისა და ტრამპს] შორის. ყველა დეტალი - ძალიან მალე გახდება ცნობილო,“ - წერს ერმაკი
მანამდე ზელენსკიმ განაცხადა, რომ ტრამპთან განიხილავს აშშ-დან უკრაინისთვის იარაღისა და საბრძოლო მასალის მიწოდების გაგრძელების საკითხს, კერძოდ, Patriot-ის სისტემებისთვის PAC-3 რაკეტების მიწოდებას.
Axios-ის კორესპონდენტმა ბარაკ რავიდმა, წყაროზე დაყრდნობით, აღნიშნა, რომ პრეზიდენტებს შორის „კარგი საუბარი“ დაახლოებით 40 წუთს გაგრძელდა. მხარეებმა განიხილეს რუსეთის მიერ უკრაინაზე თავდასხმების ესკალაციისა და უკრაინისთვის საჰაერო თავდაცვის სისტემების მიწოდების საკითხები.
