"ლივერპულის" ყოფილი თავდასხმელი ფერნანდო ტორესი ლონდონის "ჩელსში" გადავიდა. ესპანეთის ნაკრების თავდასხმელმა "არისტოკრატებთან" კონტრაქტი 2016 წლამდე გააფორმა.
"ძალიან ბედნიერი ვარ იმით, რომ "ჩელსიში" გადმოსვლის საშუალება მომეცა. მსურს ჩემს ახალ კლუბსა და თანაგუნდელებს დახმარება გავუწიო. ინგლისში გადმოსვლის შემდეგ, "ჩელსის" წინააღმდეგ გამართულ არაერთ დიდ მატჩში მიმიღია მონაწილეობა, რომლებსაც არასდროს დავივიწყებ. ვიცი, რომ ამ კლუბში არაერთი მაღალი დონის ფეხბურთელი თამაშობს და ძირითად შემადგენლობაში ადგილის მოსაპოვებლად თავდაუზოგავად შრომა დამჭირდება. იმედი მაქვს, მიმდინარე სეზონში, არაერთი მნიშვნელოვანი გოლის გატანას და გულშემატკივრების გახარებას მოვახერხებ" - განაცხადა ტორესმა.
"ლივერპულის" შემადგენლობაში ტორესს ლონდონელთა წინააღმდეგ 4 მატჩში 5 გოლი აქვს გატანილი. აქედან 2 მიმდინარე სეზონში ჩატარებულ შეხვედრაზე მოდის, რომელიც "ლივერპულმა" 2:0 მოიგო. გარდა პრემიერლიგისა, ტორესმა "ჩელსის" 2 გოლი ჩემპიონთა ლიგაზეც გაუტანა.
