ირანული მედიის ცნობით, თეირანთან ახლოს მდებარე რაკეტების ქარხნის გარდა, ისრაელის თვითმფრინავებმა ასევე დაბომბეს იმამ ჰუსეინის სამხედრო უნივერსიტეტი თეირანის აღმოსავლეთ გარეუბანში.
ღია წყაროების თანახმად, აღნიშნული უნივერსიტეტი ისლამური რევოლუციის გუშაგთა კორპუსის კადრებს ამზადებს.
ისრაელის ავიაციამ ბოლო სამი საათის განმავლობაში თეირანის მიდამოებში მდებარე სამიზნეებზე ახალი დარტყმები განახორციელა.
ისრაელის არმიამ ადგილობრივი დროით დილის 4 საათზე, X ანგარიშზე დარტყმების ახალი ტალღის დაწყების შესახებ განაცხადა.
მანამდე მან თეირანის სამხრეთ-დასავლეთით მდებარე რაიონის მაცხოვრებლებს ევაკუაციისკენ მოუწოდა.
