ისრაელის ავიაციას ბოლო ორ საათზე მეტია ახალი დარტყმები მიაქვს თეირანის რაიონში არსებულ სამიზნეებზე.
ისრაელის არმიამ რამდენიმე საათის წინ X-ზე სპარსულ ენაზე გამოაცხადა დარტყმების ახალი ტალღის დაწყების შესახებ.
მანამდე მან თეირანის სამხრეთ-დასავლეთით მდებარე რაიონის მაცხოვრებლების ევაკუაციისკენ მოუწოდა.
Reuters-ის ცნობით, ადგილობრივი პრესა იუწყება, რომ ისრაელის თვითმფრინავები ჰოჯირის სამხედრო ბაზაზე მდებარე სარაკეტო ქარხანას ესხმიან თავს, რომელზეც მათ უკვე გასული წლის ოქტომბერში მიიტანეს იერიში.
Reuters-მა ასევე გაავრცელა სოციალურ მედიაში გამოქვეყნებული ვიდეოკადრი, რომელიც ასახავს თეირანში ისრაელის მიერ განხორციელებული დარტყმის შემდეგ გაჩენილ ხანძარს.
