კანცლერ ფრიდრიხ მერცის განცხადებით, გერმანია განიხილავს ევროკავშირის მიერ სლოვაკეთისა და უნგრეთის მიმართ მკაცეიზომების გატარებას, თუ მათი მხრიდან ბლოკის საერთო პოლიტიკიდან გადახვევის პროცესი გაგრძელდება. მერცის თქმით, უნგრეთისა და სლოვაკეთის წინააღმდეგ გერმანიას უფრო მკაცრი პოზიცია ექნება, მათი მხრიდან ევროკავშირის მიერ რუსეთის წინააღმდეგ დამატებითი სანქციების დაწესების დაბრკოლებების შექმნის გამო.
მან ხაზი გაუსვა, რომ ორივე მთავრობა წარმოადგენს მხოლოდ "პატარა უმცირესობას" 27 წევრისგან შემდგარ ევროკავშირში და ამის მიუხედავად, ისინი რუსეთის წინააღმდეგ სანქციების დასაბლოკად ან შესასუსტებლად ვეტოს უფლებას იყენებენ.
"თუ ამ კურსს გავაგრძელებთ, ჩვენ ვერ შევძლებთ ამ კონფლიქტის თავიდან აცილებას უნგრეთთან და სლოვაკეთთან. ჩვენ არ შეგვიძლია დავუშვათ, რომ მთელი ევროკავშირის გადაწყვეტილებები მცირე უმცირესობაზე იყოს დამოკიდებული. და რა თქმა უნდა, შეიძლება იყოს უფრო მკაფიო სიტყვები და შესაძლოა უფრო რთული კონფლიქტებიც. ყოველთვის არსებობს მათთვის ევროპული სახსრების ჩამორთმევის შესაძლებლობა", - თქვა მერცმა.
მერცმა აღნიშნა, არ კონფლიქტი არ სურს, თუმცა დაამატა, რომ "თუ საჭირო გახდება, ჩვენ მათ მივხედავთ".
