უკრაინის პრემიერ-მინისტრი დენის შმიჰალი და ჩეხეთის პრემიერ-მინისტრი პეტრ ფიალა შეთანხმდნენ, რომ F-16-ის ტიპის გამანადგურებლების უკრაინელი პილოტების მომზადებაში თანამშრომლობას გეგმავენ.
ამის შესახებ პრემიერ-მინისტრების შეხვედრის შემდეგ გავრცელებულ ერთობლივ განცხადებაშია ნათქვამი.
20 მაისს უჟგოროდში პრემიერ-მინისტრების შეხვედრის დროს ისინი შეთანხმდნენ თანამშრომლობაზე F-16-სა და და სხვა ტიპის თვითმფრინავებისა და ვერტმფრენების უკრაინელი პილოტების მომზადებაში.
აღსანიშნავია, რომ ამ შეთანხმებას თან ახლავს ტრენინგები უკრაინასა და ჩეხეთის რესპუბლიკაში.
განცხადებაში ხაზგასმულია, რომ კონკრეტული მოდერნიზაციის პროექტების განხორციელების გზით, ასევე ჩაუტარდებათ ტრენინგი ტექნიკურ სახმელეთო პერსონალს.
პრემიერ-მინისტრებმა ასევე დაადასტურეს უკრაინისთვის სამხედრო, ფინანსური, ეკონომიკური და ჰუმანიტარული დახმარების შემდგომი გაზრდის მნიშვნელობა.
