ეს არის პოლიტიკური დევნის გაგრძელება - ეს არის სიყალბე, პოლიტიკური თაღლითობის გამოხატულება, - ამის შესახებ „ლელო-ძლიერი საქართველოს“ ერთ-ერთმა ლიდერმა ბადრი ჯაფარიძემ ჟურნალისტებთან საქალაქო სასამართლოსთან, სასამართლო სხდომის დაწყებამდე განაცხადა.
ჯაფარიძის თქმით, საგამოძიებო კომისია ოპონენტებზე ანგარიშსწორებას ემსახურება.
"ეს არის პოლიტიკური დევნის გაგრძელება, იმიტომ, რომ კომისია, სადაც არმისვლის გამო სისხლის სამართლის საქმე აღძრეს ჩემი და მამუკას წინააღმდეგ, ის კომისია არის კანონის სრული დარღვევით შექმნილი. ფაქტობრივად, ის არ არსებობს, ის არის პოლიტიკური ანგარიშსწორებისთვის შექმნილი, შესაბამისად, ეს არის გაგრძელება პოლიტიკური დევნის, რომელიც მიმდინარეობს 5 წელია უკვე, - ამბობს ჯაფარიძე.
საქალაქო სასამართლოში დღეს პარლამენტის დოებიტ საგამიებო კოალიცია "ძლიერი საქართველოს" ლიდერების ბადრი ჯაფარიძის და მამუკა ხაზარაძის პროცესებია ჩანიშნული.
ბადრი ჯაფარიძეს ბრალი სისხლის სამართლის კოდექსის 349-ე მუხლით წარუდგინეს, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს, აღნიშნული ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე. ბადრი ჯაფარიძეს აღკვეთის ღონისძიების სახით 50 000-ლარიანი გირაო აქვს შეფარდებული, რაც მან დადგენილ ვადაში გადაიხადა.
