ფინეთის პრეზიდენტმა ალექსანდრ სტუბმა აშშ-ისა და უკრაინის ლიდერებთან გამართული სატელეფონო საუბრების შესახებ ინფორმაცია გაავრცელა.
სტუბის თქმით, მას შაბათს საღამოს აშშ-ის პრეზიდენტ დონალდ ტრამპთან, ხოლო კვირას დილით უკრაინის პრეზიდენტ ვოლოდიმირ ზელენსკისთან ხანგრძლივი სატელეფონო საუბარი ჰქონდა.
„ზელენსკი მომთმენია, მაგრამ ტრამპი მოთმინებას კარგავს, მაგრამ სწორი მიმართულებით, ანუ პუტინის მიმართ“, - ასე შეაჯამა ფინეთის პრეზიდენტმა საუბრების შედეგები.
სტუბმა აღნიშნა, რომ უკრაინის მოკავშირეები მუდმივად ცდილობენ ტრამპს აუხსნან, რომ უკრაინას შეუძლია თავდაცვითი ომის წარმოება და რომ რუსეთში სიტუაცია იმაზე უარესადაა, ვიდრე ვარაუდობენ.
ფინეთის პრეზიდენტმა ასევე გამოთქვა რწმენა, რომ ბოლო ორი კვირის განმავლობაში საერთაშორისო დიპლომატიაში რყევების მიუხედავად, უკრაინისთვის სიტუაცია უკეთესობისკენ შეიცვალა.
