დიდი ბრიტანეთის პრემიერ-მინისტრის, კირ სტარმერის კუთვნილ სახლში ცეცხლის გაჩენისთვის ბრალი 21 წლის უკრაინელს წარედგინა. ინფორმაციას Politico ავრცელებს.
არსებული ცნობებით, ბრალდებული, სავარაუდოდ, პასუხისმგებელია 12 მაისის დილით სტარმერის ოჯახის 4-საძინებლიან სახლის შესასვლელში ცეცხლის გაჩენაზე, ასევე, 11 მაისს ამავე ქუჩაზე მანქანისთვის ცეცხლის წაკიდებასა და სტარმერთან დაკავშირებული ოფისის შენობაში ცეცხლის გაჩენაზე.
„რომან ლავრინოვიჩი 13 მაისს, დილით დააკავეს და პატიმრობის ვადის გაგრძელების ორდერის მიღების შემდეგ კვლავ პატიმრობაში დარჩება. ის ვესტმინსტერის სამაგისტრო სასამართლოში პარასკევს, 16 მაისს უნდა გამოცხადდეს“, - განაცხადეს პოლიციაში.
თავად სტარმერმა განაცხადა, რომ მასთან დაკავშირებულ ობიექტებში ცეცხლის გაჩენა წარნოადგენს „ჩვენზე, დემოკრატიასა და იმ ღირებულებებზე თავდასხმას, რომლებსაც ჩვენ ვიცავთ“.
